2021年8月16日 低醣增肌減脂計劃 day 15
放假係屋企剪片，就會有時間心思煮低醣餐，仲砌靚佢，擺靚啲食落有儀式感咁享受一餐，個人都開心啲😋唔一定減肥就要食得好慘，我成日覺得如果減肥好食之餘，賣相又吸引，開心咁樣食又可以飽住瘦，咁樣減肥係最開心嘅☺️
.
早餐🥣oat meal, 用無糖豆漿浸原片燕麥，加上希臘乳酪，對腸胃有益，再加個奇異果切粒，加多一匙羹黑芝麻醬，咁樣蛋白質同營養都爆燈啦😆
.
午餐🥘琴晚新鮮劏的鯰魚我扣起兩塊今日lunch蒸。再用之前鄰居送嘅鰻魚炒蛋，用紫薯製作紫薯蓉，加菠菜同埋西蘭花🥦其實材料喺晒度，睇你係唔係有心機切靚佢食，睇落都會開胃啲😋
.
晚餐🍲順便準備埋聽日我同阿哥嘅lunch box，我炒咗一大鑊嘅椰菜花炒偽飯，蛋白質方面加咗硬豆腐雞柳魚柳和雞蛋，其他配料仲加咗鮮冬菇粒，紅蘿蔔，秋葵同洋蔥，材料非常之豐富, 我將佢今晚食咗一碟之後剩返嘅pack好留返比聽日我同阿哥帶飯😝另外仲有當然煮一碗大雜菜先夠飽😋
Search